Mijjen bïjre

Aajege lea saemien gïele- jïh maahtoejarnge Röros-saemien dajvesne. Mijjen dïedte saemien gïele, kultuvre jïh vuekiemaahtoe.  Aajegen ovmessie ööhpehtimmieh, arenah jïh tjåanghkoesijjieh, darjomh jïh öörnemh. Mijjieh aaj jeatjah maahtoesiebriedahkine laavenjostebe jïh raeriestibie.

Aajege edtja saemien gïelem, kultuvrem jïh identiteetem nænnoestidh, dovne fïere guhte almetjasse jïh dåehkide åarjelsaemien siebriedahkesne.

Tröndelaagen jïh Plassjen tjïelte Aajegem eekieh. Aajege sjïere goevtese Tröndelaagen nuelesne, kontovresijjine Rörosen jåarhkeskuvlesne. Aajege byjjes maadthdåarjoem tjïelteste, fylhketjïeltijste jïh staateste åådtje. Jarnge aaj ovmessie prosjeekti jïh laavenjassi tjïrrh dåarjoem åådtje.

Mijjen åeviedajvh

Aajegen åejviedajve Saepmien åarjelraedtie Tröndelaagesne jïh Sisdajvesne gusnie Saanti, Gåebrien, Svahken jïh Trollheimen sïjth. Rörosen sjeltie dajven jarngesne, jïh dan åvteste dam aaj Röros-saemien dajvine gohtjebe. Dah dovtelimmieh jïh darjoeh mejtie öörnebe leah uvtemes ovmessie sijjine mijjen åejviedajvesne.

Ulmiedåehkieh

Aajegen 3 åejvieulmiedåehkieh, mah daltesi jïh barkoen aajkoej mietie buerkiestibie.

Daltese 1:
Åejviedåehkie lea almetjh jïh dåehkieh åarjelsaemien dajvesne nuereste båarasommese. Darjomh jïh dej sisvege dåehkiej våaromi jïh daarpoej mietie öörnebe.

Daltese 2:
Maanagïerth, skuvlh, saemien organisasjovnh jïh siebrieh, institusjovnh, jielemassedåehkieh, saemien gïele- jïh maahtoejarngh.

Daltese 3:
Tjïeltieh, fylhketjïeltieh, fylhkeålmah, direktoraath, departemeenth, Saemiedigkie jïh jeatjah staateles reeremh.

Åejvieulmieh

Aajegen åejvieulmieh:

1. Saemien gïelem jïh kultuvrem skreejredh, vaarjelidh jïh nænnoestidh.
2. Saemien gïele-, kultuvre- jïh jielemeööhpehtimmiem evtiedidh jïh nænnoestidh.
3. Ektiebarkoem nænnoestidh jïh viermiem tseegkedh.
4. Daajroem saemien gïelen- jïh siebriedahken bïjre nænnoestidh.

Aajegen dïedte åarjelsaemien muhteste lokaale, regionaale jïh nasjonaale daltesinie. Sïjhtebe prosjeekth aelkiehtidh mah viehkiehtieh mijjen jarngen ulmide jaksedh. Mejnie barkebe maahta tïjjeste måbpan jeatjahtehtedh.

Lissieh

Nuhteligs svaalhtesh

Toini Bergstrøm, biejjieladtje åvtehke

Dïedtem åtna reeremen jïh administrasjovnen åvteste, orre råajvarimmieh jïh kuvsjh skreejredh, bievnedh, geerveööhpehtimmiem jïh öörnemh tjïrrehtidh.
toibe@trondelagfylke.no
907 23 513

Nicklas Danielsen, kultuvrejarngen åvtehke

Åarjelsaemien kultuvrehistovrijen prosjeektigujmie barka jïh institusjovneevtiedimmine Rørosdajvesne.
nicda@trondelagfylke.no
74 17 6162/ 994 62963

Helen Blind Brandsfjell

Geerve almetjidie åarjelsaemien ööhpehte, åarjelsaemien gïeline jïh prosjeektigujmie barka.
helbr@trondelagfylke.no
908 47 363

Marit Fjellheim

Geerve almetjidie åarjelsaemien ööhpehte, åarjelsaemien gïeline jïh prosjeektigujmie barka.
marfje@trondelagfylke.no
911 42 105

Maria Kråik Stenfjell
(40 % lohkemepermisjovne)

Åarjelsaemiengïelem learoehkidie jåarhkeskuvlesne, åarjelsaemien gïeline jïh prosjeektigujmie barka.
mariste@trondelagfylke.no
950 64 201

Sindre Flø Hunnes

Åarjelsaemiengïelem learoehkidie jåarhkeskuvlesne jïh geerve almetjidie ööhpehte. Åarjelsaemien gïeline jïh prosjeektigujmie barka.
sinhu@trondelagfylke.no
951 37 527

Laila Mari Brandsfjell
(50 % lohkemepermisjovne)

Åarjelsaemien darjomh, prosjeekth sjïehtesjadta jïh öörnie.
laibra@trondelagfylke.no
93 26 53 54

Aina Nordfjell

Åarjelsaemien darjomh, festivaalem Raasten Rastah prosjeekth sjïehtesjadta jïh öörnie.
ainno@trondelagfylke.no
464 74869

Sussie Johansson (sijjiesadtje)

Åarjelsaemien darjomh, prosjeekth sjïehtesjadta jïh öörnie.
susjo@trondelagfylke.no
901 61 132

Malin Wilks

Prosjekteåejvie maanagiertien learoevierhtine evtiedidh.
malwi@trondelagfylke.no
48 21 95 91